ಉಡುಪಿ: ಹರ್ಷ ಶೋರೂಮ್ ಮ್ಯಾನೇಜರ್ ಗೆ ಚೂರಿ ಇರಿತ...!!

ಉಡುಪಿ: ಹರ್ಷ ಶೋರೂಮ್ ಭದ್ರತಾ ಸಿಬ್ಬಂದಿಯೋರ್ವ ಶೋರೂಮ್ ನ ಮ್ಯಾನೆಜರ್‌ಗೆ ಚೂರಿಯಿಂದ ಇರಿದು ಪರಾರಿಯಾದ ಘಟನೆ ಉಡುಪಿಯ ಸಿಟಿ ಬಸ್ ನಿಲ್ದಾಣದ ಬಳಿ‌ಯ ಹರ್ಷ ಶೋರೂಮ್ ನಲ್ಲಿ ನಡೆದಿದೆ.

ಸಂತೆಕಟ್ಟೆಯ ರೋನ್ಸನ್ ಎವರೆಸ್ಟ್ ಡಿ’ಸೋಜಾ(36) ಚೂರಿ ಇರಿತಕ್ಕೊಳಗಾದ ವ್ಯಕ್ತಿ. ಕೆಲಸದ ವಿಚಾರಕ್ಕೆ ಸಂಬಂಧಿಸಿ ಆರೋಪಿ ಸೆಕ್ಯೂರಿಟಿ ಗಾರ್ಡ್ ಪ್ರಸಾದ್ ಹಾಗೂ ಮ್ಯಾನೇಜರ್ ರೋನ್ಸನ್ ಮಧ್ಯೆ ಜಗಳ ಉಂಟಾಗಿದೆ. ರೋನ್ಸನ್ ಹರ್ಷ ಶೋರೂಂ ನಲ್ಲಿ ಕ್ಲಸ್ಟರ್ ಮ್ಯಾನೇಜ‌ರ್ ಆಗಿ ಕೆಲಸ ಮಾಡಿಕೊಂಡಿದ್ದಾರೆ.

ಆರೋಪಿ ಪ್ರಸಾದ್ ಕ್ಲಸ್ಟರ್ ಮ್ಯಾನೇಜರ್ ರೋನ್ಸನ್ ಅವರಿಗೆ ಅವಾಚ್ಯ  ಶಬ್ದಗಳಿಂದ ಬೈದು ರೋನ್ಸನ್ ಅವರ ಕುತ್ತಿಗೆಗೆ ಇರಿದು ಅಲ್ಲಿಂದ ಪರಾರಿಯಾಗಿದ್ದಾನೆ. ಈ ಕುರಿತು ಉಡುಪಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ತನಿಖೆ ಮುಂದುವರೆದಿದೆ.